未去已經滿哂 番黎點算好呢?
BA飛機餐 都OK架 不過都係睇你好唔好彩啦 小強叫左牛 唔係咁好食LAW
差不多成13個鐘頭機 一定要比0的娛樂自己既....部NOTEBOOK係小強專登買架 一來可以上機用 2來可以係晚上係酒店上網 3來可以比我晚上番學時唔駛特登走去圖書館做野 得7吋 正
英國日出既景色
衝出亞洲既心情真係好緊張呀 先係12.45個鐘既飛機去英國 再係2個半鐘後 再坐1.50個鐘飛機到蘇黎世 真係唔知頂唔頂得順 記得有一次由日本返港時 都唔知為乜成5個鐘既機程先返到香港 真係@坐到發脾氣 被困坐既感覺好唔舒服 真係擔心唸次會好唔適應又發癲
1-2-2008 5點鐘放工 即刻飛去新都城買相機電、褲、衫等未買既野 7:00返到屋企都成7:00幾 煮完麵食跟手即刻做埋個活動recond比有關負責人(都係自己攞黎衰 之前無靈感hea下hea下又唔記得左) 跟住8;00幾開始繼續執去旅行用既用品及作最後檢查 10:00就照原定時間落到樓下搭的士到機場
晚上10:45到達機場 到ba counter check-in 佢地做野真係好小心 其實我地只係等一pair人之ma 我地check完in都已經係11:00幾啦 見有時間就諗住費是/搭無人駕駛去50號閘口登機 其實我都覺得奇怪 飛1:00am班機都要排到咁遠既停機坪? 行行下我地2個好享受無人既地方 就係機場既電梯係咁影相 行到去50號閘口 無人既? 頂....真係有人睇錯左野 又要由50號行番去13號登機 唔怪得我地可以咁free影相啦 都唔知趕唔趕得切去到 好彩都可以準時.............
又話1:10am起飛 點知一搞搞到1:45am先起飛 食下餐搞下野已經係3:15am......返左成日工放工仲要為旅行既野而無得休息 已經好眼訓啦 無幾耐就開始係張椅到好唔舒服咁訓著左啦 (其實ba既位都已經算係唔錯 都屬於幾闊落 不過我真係未坐過長途機真係好難頂 ) 9:00幾先醒 不過期間有幾次醒左 因為發夢時唔記得遇到0的乜野 跟住就好忟而發脾氣 真係同無訓過分別都唔大 醒左後就同小強一齊睇自己帶黎既日劇"工作狂人" 到12;15 開始食早餐 下午2:30就到達希思路機場 當時係英國既2月2日上午6:50 跟住要再坐車去另一閘口轉機 9:10又再坐飛機到瑞士 到達瑞士係當地時間11:00幾(佢地又會快英國一個鐘) 其實係架飛機上佳咁耐真係好辛苦 我到而家都仲因為搭得太耐飛機 個人仲好3起飛時咁wing wing地啦
* 唔掂啦 我已經好攰啦 原本想打埋今日去到LUZERN既行程 唔得啦 真係要訓LU) 而家係LUZERN既晚上9:30 我都仲要準備聽日上去雪山呀
沒有留言:
發佈留言